ZBCA President Kiang Pan Hopihna
Khris sungah sanggamte aw,
Zomi Christian Theological Seminary (ZCTS) panin kong muak hi. ZCTS website na hawh in, program bangteng om hiam cih nong na velsak ka lung dam mahmah hi. ZCTS a kiphuat khiatna ahang pen Khristian makaihoih tampi I neih zawh nadingin Pasian’ thuthuk sinna (theological education) phualpi khat kinei zoleh, cih tawh hong piangkhia ahi hi. ZCTS ii ngimna ahihleh Pasian’ um a ama thu azuite in leitung a kilamdang sak zote suah zawh nadingin siamguan in vang’suan ding cih ahi hi.
Leitung hun pen a kikhelkhel mah na hi mawk hi. Tu ma kum 20 lai khawngin USA ah Zomite’n Lai Siangtho sang nei ding kicileh up hak sim ding hi. Ahi zongin, Pasian geelna ahun hong tung a 2019 kum in Zomi Christian Theological Seminary (ZCTS) ong piang khia hi. Pasian’ geelna hi keileh, ZCTS piangkhia zolo ding hi. Pasian’ geelna tangtung hi, cih kitel mahmah ahih manin ZCTS pen theology thuthuk kizelhkhiatna leh thumu Khristian makai kician tampi tak hong piankhiatna phual hi ding hi ci-in lungmuanna tawh kong genkhia ngam uh hi.
Pasian thuthuk sin ding leh Pasian nasepna ah kihel ding cih lunggulhna na neihna tangtung hen, cih kong thunget sakna uh hi. Tua bangin na lunggulhnate ong tangtun zawh nadingin ZCTS in kiukhat panin pangzo taktak ding hi, cih ka thungetna ahi hi.
Khris sungah sanggamte aw,
Zomi Christian Theological Seminary (ZCTS) panin kong muak hi. ZCTS website na hawh in, program bangteng om hiam cih nong na velsak ka lung dam mahmah hi. ZCTS a kiphuat khiatna ahang pen Khristian makaihoih tampi I neih zawh nadingin Pasian’ thuthuk sinna (theological education) phualpi khat kinei zoleh, cih tawh hong piangkhia ahi hi. ZCTS ii ngimna ahihleh Pasian’ um a ama thu azuite in leitung a kilamdang sak zote suah zawh nadingin siamguan in vang’suan ding cih ahi hi.
Leitung hun pen a kikhelkhel mah na hi mawk hi. Tu ma kum 20 lai khawngin USA ah Zomite’n Lai Siangtho sang nei ding kicileh up hak sim ding hi. Ahi zongin, Pasian geelna ahun hong tung a 2019 kum in Zomi Christian Theological Seminary (ZCTS) ong piang khia hi. Pasian’ geelna hi keileh, ZCTS piangkhia zolo ding hi. Pasian’ geelna tangtung hi, cih kitel mahmah ahih manin ZCTS pen theology thuthuk kizelhkhiatna leh thumu Khristian makai kician tampi tak hong piankhiatna phual hi ding hi ci-in lungmuanna tawh kong genkhia ngam uh hi.
Pasian thuthuk sin ding leh Pasian nasepna ah kihel ding cih lunggulhna na neihna tangtung hen, cih kong thunget sakna uh hi. Tua bangin na lunggulhnate ong tangtun zawh nadingin ZCTS in kiukhat panin pangzo taktak ding hi, cih ka thungetna ahi hi.
Khris sungah,
Rev. Tun Cin Kap, Ph.D
President
Zomi Baptist Churches of America
Acting Principal Kiang Pan Hopihna
Sangvai a lunglut lawmlegualte aw,
Zomi Christian Theological Seminary (ZCTS) panin lungdamna leh kipahna lianpi tawh kong hopih hi. ZCTS ah sangkah ding lunglut na hih manin sangvai tawh kisai genbeh nopna kong nei hi. ZCTS in Jesu hong piak lungdamna thu mah upna khuambulpi in ka nei uh hi. Tua lungdamna thu tungtawnin leitung a kilamdangsak Khristiante hiding, cih ngimna ahi hi. Tua ahih manin Pasian’ tate lungdamna thu tawh siam guanin vang’piakna tawh leitung a khel Pasian nasemte suah ding cih pen ZCTS ii ngimna ahi hi.
Muibun takin Pasian nasem dingin a kithawi na hihleh ZCTS pai ding lunghiang nei kei in. Bang hang hiam cihleh, ZCTS ah hong pai lecin tangzaitak leh lawhcingtak in Pasian’ na nasep nopnate ZCTS in nakpi hong tawsawn zo ding hi. Sang ii website na en lecin zong laihilh syate pen pilsinna asangpipi a nei vive uh hi a, ZCTS ii upna khuambulpite zong thupilak uh hi. Tua banah, lai sinna leh thu sinnate zong hun tawh kituak cih bang bek hilo a mailam hun tampi enkhol in a kigeel ahi hi.
Pasian sapna ngah in ZCTS ah sangkah dingin a khensat na hihleh nong pai nading mun mah hi, ci-in lungmuanna tawh kong gen pha nuam hi. Nong kithawi diam?
Sangvai a lunglut lawmlegualte aw,
Zomi Christian Theological Seminary (ZCTS) panin lungdamna leh kipahna lianpi tawh kong hopih hi. ZCTS ah sangkah ding lunglut na hih manin sangvai tawh kisai genbeh nopna kong nei hi. ZCTS in Jesu hong piak lungdamna thu mah upna khuambulpi in ka nei uh hi. Tua lungdamna thu tungtawnin leitung a kilamdangsak Khristiante hiding, cih ngimna ahi hi. Tua ahih manin Pasian’ tate lungdamna thu tawh siam guanin vang’piakna tawh leitung a khel Pasian nasemte suah ding cih pen ZCTS ii ngimna ahi hi.
Muibun takin Pasian nasem dingin a kithawi na hihleh ZCTS pai ding lunghiang nei kei in. Bang hang hiam cihleh, ZCTS ah hong pai lecin tangzaitak leh lawhcingtak in Pasian’ na nasep nopnate ZCTS in nakpi hong tawsawn zo ding hi. Sang ii website na en lecin zong laihilh syate pen pilsinna asangpipi a nei vive uh hi a, ZCTS ii upna khuambulpite zong thupilak uh hi. Tua banah, lai sinna leh thu sinnate zong hun tawh kituak cih bang bek hilo a mailam hun tampi enkhol in a kigeel ahi hi.
Pasian sapna ngah in ZCTS ah sangkah dingin a khensat na hihleh nong pai nading mun mah hi, ci-in lungmuanna tawh kong gen pha nuam hi. Nong kithawi diam?
Khris nasepna ah,
Rev. Pau Khan Khai, D.D
Acting Principal